Home     Coimbatore News      Events      கண்ணீர் விடும் காதலர்களும் !! கள்ளகாதலர்களும் !!

கண்ணீர் விடும் காதலர்களும் !! கள்ளகாதலர்களும் !!

கண்ணீர் விடும் காதலர்களும் !!  கள்ளகாதலர்களும் !!

கோவை :     நேற்று முன்தினம் வ.உ.சி.பூங்கா(VOC PARK), ரேஸ்கோர்ஸ்(RACE COURSE) பகுதிகளில் போலீசார்  திடீர் சோதனையில் ஈடுபட்டனர், இதில் 20 'காதல்' ஜோடிகள் சிக்கினர். கோவை வ.உ.சி பூங்கா மற்றும்  ரேஸ்கோர்ஸ் நடைபாதை, போன்ற  இடங்களில், காதல் ஜோடிகள் மற்றும்  கள்ளக்காதல் ஜோடிகள்  சில்மிஷத்தில் ஈடுபடும்  கேவலமான நிகழ்வு தொடர்ந்து நடைபெற்று வருகிறது. இதை காணும் பொதுமக்கள் அவ்வப்போது ரேஸ்கோர்ஸ் போலீசாருக்கு புகார் அளிப்பர். போலீசாரும் சில்மிஷத்தில் ஈடுபடும் நபர்களை வேறுவழியின்றி எச்சரித்து அனுப்பி வைப்பார்கள். இந்நிலையில் இன்ஸ்பெக்டர் தெய்வசிகாமணி தலைமையில், இரண்டு குழுக்களாக போலீசார் பிரிந்து நேற்று முன்தினம் மாலை, 4:00 முதல், இரவு, 9:00 மணி வரை , திடீர் சோதனையில் ஈடுபட்டனர்.

 இதில் தவறான செயலில் ஈடுபட்ட  20 காதல் ஜோடிகள் சிக்கினர். இவர்களிடம் போலீசார் விசாரணை நடத்தியதில் 8 பேர் ஏற்கனவே திருமணமான கள்ள காதல் ஜோடி என்பது தெரிய வந்தது. மற்றவர்கள் கல்வி நிறுவனங்கள், தனியார் நிறுவனங்கள், அரசு ஊழியர்களுடன் பணியாற்றுபவர்கள். போலீசாரிடம் சிக்கிய காதலர்கள் இனிமேல் பொது இடங்களில் இதுபோன்ற தவறான செயலில் ஈடுபட மாட்டோம் என்றும், கள்ளகாதலர்கள் இச்சம்பவம் தனது கணவன் (அல்லது) மனைவிக்கு தெரிந்தால் குடும்பத்தில் குழப்பம் ஏற்பட்டுவிடும் என்று கண்ணீர் விட்டு கேட்டு கொண்டதால் போலீசார் அவர்களை எச்சரித்து விடுவித்தனர். இதை தொடர்ந்து, அப்பகுதிகளில் ரோந்து பணிகளை தீவிரப்படுத்தியுள்ளனர்.

Related News