செல்வராகவன் இளைஞர்கள் கொண்டாடும் படங்களை இயக்கியவர். 2004-ம் ஆண்டில் இவர் இயக்கிய '7ஜி ரெயின்போ காலனி' படம் மிகப்பெரிய வெற்றி பெற்றது. இந்த படத்தில் ரவி கிருஷ்ணா-சோனியா அகர்வால் நடித்திருந்தனர். இப்படத்தின் பாடல்கள் எங்கும் ஒலித்தது.
இப்படத்தின் இரண்டாம் பாகத்தை 19 ஆண்டுகளுக்கு பிறகு இயக்குனர் செல்வராகவன் இயக்குவதாக தகவல் வெளியானது. அதுமட்டுமல்லாமல் இந்த பாகம் முதல் பாகத்தின் தொடர்ச்சியாக இயக்கவுள்ளதாகவும் இதில், ஹீரோவாக ரவி கிருஷ்ணாவும், ஹீரோயினாக அனஸ்வர ராஜனும் நடிக்கவுள்ளதாக கூறப்பட்டது. மேலும், இந்த படத்திற்கு யுவன் சங்கர் ராஜா இசையமைக்கவுள்ளதாக செய்தி பரவி வந்தது.
இந்நிலையில், இப்படத்தின் புதிய தகவல் வெளியாகியுள்ளது. அதன்படி, '7ஜி ரெயின்போ காலனி 2' படத்தின் முதல் கட்ட படப்பிடிப்பு சென்னையில் முடிந்துள்ளதாகவும், அடுத்தக்கட்ட படப்பிடிப்பு விரைவில் தொடங்கவுள்ளதாகவும் சமூக வலைதளத்தில் செய்தி வலம் வருகிறது.
மேலும், இது போன்ற செய்திகளை அறிய https://www.123coimbatore.com/cinema/cine-news/news/ கிளிக் செய்யவும்.
