8 வருடங்களுக்கு பிறகு 'ஜிகர்தண்டா' படத்தின் இரண்டாம் பாகம் உருவாகியுள்ளது. தீபாவளியை முன்னிட்டு வெளியாகி இருக்கும் ஜிகர்தண்டா டபுள் எக்ஸ் படத்திற்கு ரசிகர்கள் மத்தியில் அதிகப்படியான வரவேற்பு கிடைத்துள்ளது.
எஸ்.ஜே.சூர்யா மற்றும் ராகவா லாரன்ஸ் முக்கிய கதாபாத்திரத்தில் நடித்த இந்த படத்தை கார்த்திக் சுப்பராஜ் இயக்கியுள்ளார். இந்த படத்திற்கு சந்தோஷ் நாராயணன் இசையமைத்துள்ளார். இந்த படம் இதுவரை ரூ.10 கோடிக்கு மேல் வசூல் செய்துள்ளதாக கூறப்படுகிறது.
இந்நிலையில், 'ஜிகர்தண்டா டபுள் எக்ஸ்' படத்தை பார்த்த நடிகர் ரஜினிகாந்த் அப்படத்தின் இயக்குனர் கார்த்திக் சுப்புராஜ் உள்பட படக்குழுவினரை பாராட்டியுள்ளார்.
இதுகுறித்து மேலும் அவர்," 'ஜிகர்தண்டா டபுள் எக்ஸ்' படம் ஒரு குறிஞ்சி மலர் என்றும் கார்த்திக் சுப்புராஜின் அற்புத படைப்பு என்றும் புகழ்ந்துள்ளார். இந்நாளின் திரையுலக நடிகவேன் எஸ்.ஜே.சூர்யா. ஜிகர்தண்டா டபுள் எக்ஸ் படத்தில் வில்லத்தனம், நகைச்சுவை, குணச்சித்திரம் என மூன்றிலும் சிறப்பாக நடித்துள்ளார் என நடிகர் ரஜினிகாந்த் புகழ்ந்துள்ளார்.
மேலும், இது போன்ற செய்திகளை அறிய https://www.123coimbatore.com/cinema/cine-news/news/ கிளிக் செய்யவும்.
.jpg)
